Сёння пасля рэканструкцыі адкрыты адзін з самых буйных у Беларусі комплексаў партызанскай славы "Усакіна" ў Клічаўскім раёне. У гады Вялікай Айчыннай вайны рух па вызваленні Беларусі ахапіў больш як 18 тысяч чалавек, стаўшы самым маштабным у гісторыі. Мясцовыя лясы сталі апорай: тут працавала друкарня, друкаваліся газеты і лістоўкі, функцыянаваў аэрадром. На кожную дыверсію партызан вораг адказваў зверствамі, спаленымі вёскамі і тысячамі забітых беларусаў. Мемарыял ва Усакіне стаў сімвалам мужнасці і гераічнасці чырвонаармейцаў і мірных жыхароў. Ля абноўленых абеліскаў хвілінай маўчання ўшанавалі памяць загінуўшых ахвяр фашысцкай агрэсіі.
Абноўленым паўстаў і турыстычны комплекс "Усакіна" - зямлянка, дзе ўзноўлены побыт партызан. Тут да гэтага часу захаваны варонкі ад выбухаў. Штогод яго наведваюць тысячы беларусаў і замежныя дэлегацыі.
