Да адзінага дня галасавання ў Беларусі засталося 15 дзён. Падрыхтоўка ўваходзіць у завяршальную фазу. З 9 лютага кожны выбаршчык можа звярнуцца ва ўчастковую камісію, каб удакладніць занесеныя аб сабе звесткі.
Справа ў тым, што ў гэтую электаральную кампанію спісы фарміруюцца непасрэдна на падставе рэгістра насельніцтва, яны будуць удакладняцца аж да дня галасавання. 24 лютага стане апошнім днём, калі ў дадатковыя спісы занясуць тых, хто жадае галасаваць па месцы пражывання, не маючы рэгістрацыі. Больш падрабязна аб гэтым расказаў старшыня Мінскай гарадской выбарчай камісіі Аляксандр Шчаковіч.
