Калі гаварыць аб школьнай адукацыі, то яна не абмяжоўваецца толькі стандартнай праграмай. Даведацца, як працуе шпуля Тэслы, разлічыць сілу току, неабходную для запуску розных электрапрыбораў і ў дасканаласці вывучыць сотні фізічных формул. У гэтым вучням Мінскай вобласці дапамагаюць інжынерныя класы, якія сёлета адкрыліся ў навучальных установах Цэнтральнага рэгіёна. Так, у першай школе Фаніпаля старшакласнікі з гэтага года на паглыбленым узроўні вывучаюць дакладныя навукі. Выкладчыкі праводзяць практычныя заняткі, на якіх вучні самі ставяць нетрывіяльныя эксперыменты. Такі падыход дазваляе ўглыбіцца ў тэхнічную скіраванасць.
Працягвае развівацца ў Цэнтральным рэгіёне і кірунак STEM. Юныя праграмісты і робаканструктары распрацоўваюць свае праекты і прадстаўляюць іх на рэспубліканскіх конкурсах.