Выпускнікам Мінскага дзяржаўнага каледжа лічбавых тэхналогій з асаблівасцямі псіхафізічнага развіцця сёння ўручылі дыпломы з рук старшыні Савета Рэспублікі Наталлі Качанавай, а таксама мэра сталіцы Уладзіміра Кухарава. 18 чалавек, выдатнікі вучобы, якія ўжо сёлета пачнуць свой працоўны шлях. Для большасці першае працоўнае месца - холдынг "Інтэграл". Там маладыя людзі праходзілі практыку, былі і ў складзе студэнцкіх атрадаў - так што калектыў і аб'ём працы ім знаёмы.
Сёння ў Мінскім дзяржаўным каледжы лічбавых тэхналогій усе дзеці навучаюцца інтэлектуальным прафесіям - гэта маладыя людзі з парушэннем апорна-рухальнага апарату, парушэннем слыху і татальна глухія, і з расстройствам аўтыстычнага спектра. Летась выпусцілася група татальна невідушчых праграмістаў.
