Невыпадкова менавіта напярэдадні навагодніх свят у Беларусі штогод стартуе акцыя "Нашы дзеці". Самы кранальны і патрэбны марафон праходзіць ужо чвэрць стагоддзя. Гэта магчымасць выявіць клопат і падарыць часцінку цяпла тым, хто абдзелены і мае патрэбу ў нашай увазе. У свой час гэта ініцыятыва прэзідэнта стала сапраўдным драйверам добрых спраў. Асаблівы момант дабрачыннай акцыі, якая праходзіць гэтымі днямі, - Галоўная ёлка краіны ў Палацы Рэспублікі. Сёння гасцямі свята сталі амаль 2 з паловай тысячы дзяцей з усіх куткоў Беларусі.
Тут пераможцы алімпіяд, творчых конкурсаў і фестываляў, сапраўдныя вундэркінды і таленты, усе, хто ярка паказаў сябе ў адыходзячым годзе. Для многіх дзяцей было марай трапіць у Мінск на Галоўную ёлку. Яшчэ яе называюць прэзідэнцкай. Бо па традыцыі павіншаваць дзяцей прыязджае асабіста кіраўнік дзяржавы.
У гэтыя светлыя перадсвяточныя дні ад Аляксандра Лукашэнкі абавязкова гучаць цёплыя словы пажадання юным беларусам. Самыя эмацыянальныя кадры сабрала Святлана Чарнова.
Сардэчна запрашаем у казку! Так, менавіта казка сёння здарылася ў Палацы Рэспублікі. Дзіцячы смех, эмоцыі захаплення і тысячы жаданняў, якія ляцяць у сусвет.
Ля Галоўнай ёлкі настрой стваралі казачныя персанажы. Тут і конкурсы, і віктарыны і, вядома, знаёмствы з новымі сябрамі. Усё склалася ў адну вялікую пераднавагоднюю гісторыю, дзе кожны галоўны персанаж. Хтосьці кулінар, актрыса, хтосьці проста паслухмяны сын, а хтосьці фінансіст. Як, напрыклад, Сямашка Антон Сяргеевіч, так прадставіўся нам вучань 8 класа. З Антонам мы сустрэліся напярэдадні ўрачыстасці ў цырку. Сталы погляд, упэўненая хада. Хлопчык з невялікага аграгарадка Удзела Глыбоцкага раёна сціпла дзеліцца сваімі дасягненнямі. Ён сёлета заняў першае месца на абласной алімпіядзе па фінансавай граматнасці. Спаборнічаў з 10-мі і 11-мі класамі.
Галоўная ёлка краіны сабрала каля 2,5 тысячы дзяцей з усіх куткоў Беларусі
Мара спраўдзілася, як і яшчэ ў амаль 2 з паловай тысяч дзяцей з усіх рэгіёнаў краіны. Менавіта столькі гасцей вакол сябе сабрала Галоўная ёлка ў Палацы Рэспублікі.Тут і тыя, хто застаўся без бацькоўскай увагі, дзеці са шматдзетных сем'яў, малазабяспечаных, таленавітыя дзеці, кадэты. Для кожнага гэты дзень насычаны эмоцыямі, уражаннямі і жаданнем дзяліцца сваімі поспехамі за адыходзячы год.
Святочная ёлка ў Палацы Рэспублікі - гэта, па сутнасці, кульмінацыя дабрачыннай акцыі "Нашы дзеці". Самай добрай традыцыі ўжо 25 гадоў. У пераднавагодні чароўны перыяд спартсмены і палітыкі, бізнесмены і медыяперсоны аб'ядноўваюцца, каб зрабіць больш шчаслівымі хлопчыкаў і дзяўчынак усёй краіны, і самі трошкі становяцца дзецьмі. З падарункамі наведваюць тых, хто выхоўваецца ў інтэрнатах, дзіцячых дамах або знаходзіцца на лячэнні. Сёлета марафон дабра ахопіць больш за 15 тысяч дзяцей.
Кіраўнік дзяржавы павіншаваў дзяцей з надыходзячымі святамі
На свята да дзяцей прыехаў і прэзідэнт. Его прыбыцця, між іншым, дзеці чакалі з няменшым хваляваннем. Таму як толькі кіраўнік дзяржавы падняўся на сцэну, тут жа апынуўся пад прыцэлам фотакамер маленькіх гледачоў. Здымаць дазволена! Для Аляксандра Лукашэнкі гэта адно з самых любімых мерапрыемстваў, запланаваных у рабочым раскладзе. Што можа параўнацца з тым, калі на цябе глядзяць сотні добрых, сумленных і поўных надзеі дзіцячых вачэй. Прэзідэнт прызнаўся шчыра - хвалюецца.Чужых дзяцей не бывае
Шчаслівыя вочы дзяцей толькі даказваюць значнасць марафону добрых спраў. Зараз яны дакладна ведаюць - цуды сапраўды здараюцца. У нашай краіне шмат добрых і спагадных людзей, для якіх чужых дзяцей не бывае.Свята не бывае без падарункаў. Адным з іх стаў спектакль "Чароўны свет". Героі музычна і танцавальна распавялі добрую і павучальную навагоднюю гісторыю.
Нягледзячы на высокую загружанасць, прэзідэнт пакінуць свята не спяшаўся: спусціўся ў залу, каб паглядзець пастаноўку разам з дзецьмі.
Дзеці падрыхтавалі навагодні падарунак для прэзідэнта
Свайго госця гэтага вечара дзеці не адпусцілі проста так. Традыцыйна пасля спектакля ўручылі свае падарункі: плеценую з лазы шкатулку з навагоднімі шарамі, выкананымі ў аўтарскай тэхніцы, і пано "Навагодняя ноч".Сэлфі з прэзідэнтам
Якое ж свята без сэлфі - такое яно, новае пакаленне. Прагрэсіўнае і вельмі шчырае. Гэтыя кадры гавораць самі за сябе: без сарамлівасці дзеці імкнуліся абняць прэзідэнта і зрабіць сумеснае фота на памяць, каб тут жа адправіць запаветны кадр. Можна толькі меркаваць, наколькі нечакана гэта было для іх родных, блізкіх і сяброў.Фатаграфія з прэзідэнтам зараз ёсць і ў Цімафея Пячынскага. Навучэнец кадэцкага вучылішча, выдатнік вучобы сваёй рашучасцю здзівіў бацькоў. Гаворыць, такі шанец выпадае раз у жыцці, чаму б ім не скарыстацца.