У рэзалюцыі краіны - удзельніцы сусветнай арганізацыі яшчэ раз пацвердзілі сваю рашучасць пазбавіць чалавецтва ад цяжару вайны. Падчас выступлення на ўрачыстым пасяджэнні Генасамблеі генсак ААН Пан Гі Мун адзначыў, што праз 70 гадоў з дня заснавання сцяг арганізацыі "застаецца сцягам надзеі для ўсяго чалавецтва".
Марцін Краўзе, дырэктар дэпартамента тэхнічнага супрацоўніцтва сакратарыята МАГАТЭ: "Для ААН Рэспубліка Беларусь з'яўляецца вельмі значным партнёрам. Вельмі важна, каб у будучыні мы працавалі з Беларуссю яшчэ больш шчыльна для таго, каб разам рэалізоўваць Мэты ўстойлівага развіцця. Я лічу, што Беларусь можа зрабіць вельмі важнае ўкладанне ў выкараненне галечы, у гарантаванне бяспекі прадуктаў харчавання, у прадухіленне змен клімату, а таксама рэалізацыю іншых мэт. Бо гэтыя праблемы носяць глабальны характар, яны не засяроджаныя ў нейкай адной краіне, яны агульныя для ўсіх. Мы разлічваем на ўдзел Беларусі ў дасягненні Мэт устойлівага развіцця".
Прыблізна тры сотні славутасцяў у дзясятках краін сёння ўвечар падсветляць сіняй ілюмінацыяй у гонар юбілею. У колер ААН, у прыватнасці, афарбуецца Сіднейскі оперны тэатр, пецярбургскі Эрмітаж, Вялікая кітайская сцяна і, вядома, будынак штаб-кватэры ААН у Нью-Ёрку.
