ДАІ Мінскай вобласці ўзмацніла меры прафілактыкі

Пераменлівае надвор'е ўскладніла сітуацыю на дарогах. Наліпанне снегу і галалёд павялічылі колькасць аварый, у тым ліку з удзелам пешаходаў. ДАІ Мінскай вобласці ўзмацніла меры прафілактыкі. З пачатку гэтага года на тэрыторыі рэгіёна адбылося больш за 30 аварый з пешаходамі, у якіх 9 чалавек загінулі. І, паводле статыстыкі, большая частка здарэнняў адбылася ў цёмны час сутак.

Вольга Кавальчук, афіцыйны прадстаўнік ДАІ ГУУС Мінаблвыканкама: "Падчас работы будзе ажыццяўляцца кантроль над выкананнем ПДР у Мінску, у тым ліку і ў пешаходаў, якія не выконваюць правілы і не выкарыстоўваюць святлоадбівальныя элементы. Звернем асаблівую ўвагу на пешаходаў, якія з'яўляюцца зблізку праезнай часткі ў нецвярозым стане".

Узмоцнены кантроль на дарогах вобласці арганізуюць і ў выхадныя. Завершыцца акцыя ў панядзелак.