Расказвае Вольга Маслоўская. Сучаснае абсталяванне, новыя тэналогіі і ўдосталь якаснай сыравіны. Першыя два пункты віцебскія вытворцы малочнай прадукцыі ўжо маюць у актыве. Зараз увага сканцэнтравана на атрыманні малака. Пакуль аб’ёмы пераапрацоўкі амаль удвая перавышаюць магчымасці АПК рэгіёна па пастаўках сыравіны.
Рэцэпт ад дэфіцыту малака ў будучыні – мадэрнізацыя старых ферм і будаўніцтва сучасных рабатызаваных малочна-таварных комплексаў. Прыклад: комплекс "Буева" прадпрыемства "Рудакова". Узведзены шэсць гадоў таму, ён адпавядае ўсім сучасным патрабаванням: механічныя прыбіральнікі, масажоры, клімат-кантроль, ветыляцыя. Штучны інтэлект фактычна самастойна даглядае жывёл. Надоі, стан кожнай каровы, спажыванне корму - усё фіксіруе камп’ютар.
Сярод работнікаў малочна-таварнага комплексу даярак ужо не знайсці
Замест іх на мадэрнізаванай ферме працуюць мехатронікі. Новая, але ўжо нярэдкая прафесія з’явілася, калі ў вытворчасці пачалі прымяняць сучасныя тэхналогіі. Выпускніцы Віцебскай акадэміі ветэрынарнай медыцыны Карына Чарнагаева і Вольга Бельчыкава кажуць: менавіта такія аб’екты разбураюць стэрэатып пра нязручнасць працы ў сельскай гаспадарцы. У гаспадарцы "Рудакова" маладыя спецыялісты паўтара месяца, размеркаванне сюды папрасілі самі.Папаўняюць дойны статак маладняком, што выгадавалі на ферме "Мішуткі"
У адрозненне ад комплексу "Буева" гэта не новабудоўля, а прыклад паспяховай мадэрнізацыі старых будынкаў. Узведзеныя ў 1978 годзе, да сярэдзіны 2000-х яны прыйшлі ў заняпад. Прадпрыемства ўклалася ў абнаўленне. У выніку створаны добрыя ўмовы для знаходжання маладняку і атрымання тэхналагічнага прыбаўлення ў вазе.Дарэчы, мадэрнізацыя жывёлагадоўчай галіны прадоўжыцца: сёлета на ферме "Буева" плануюць завяршыць будаўніцтва цэха для прыгатавання і захавання кармоў.
