На дарогах усё больш двухколавага транспарту. ДАІ Мінскай вобласці ўважліва сочыць за адкрыццём байк-сезона. Менавіта ў першыя цёплыя дні года па статыстыцы часцей здараюцца аварыі з удзелам двухколавых сродкаў. Каб прадухіліць здарэнні, з уладальнікамі мотатранспарту праводзяць гутаркі ў рамках тэматычнай акцыі. Раяць пасля зімовага перапынку аднавіць навыкі кіравання і падчас руху, не здзяйсняць рэзкіх манеўраў.
Праводзіць ДАІ гутаркі і з аўтааматарамі. Да з'яўлення на дарогах вялікай колькасці матацыклаў і веласіпедаў раяць рыхтавацца загадзя. Для бяспекі - часцей глядзець у люстэрка задняга віду і быць больш асцярожнымі падчас перастраенняў.