Дзень нараджэння - у Дзень Незалежнасці

5 Ліпеня 2017

3 ліпеня 2017 года быў адзначаны не толькі як галоўнае дзяржаўнае свята краіны, але і як дзень нараджэння. Для 214-ці маленькіх беларусаў. Больш за ўсё нованароджаных за гэтыя 24 гадзіны з'явілася на свет у Мінску. Сёння маладых мам проста ў радзільных дамах павіншавалі прадстаўнікі мясцовых улад і актывісты "Белай Русі". І сёння ж у другім гарадскім радзільным доме быў аб’яўлены ўнікальны для Мінска розыгрыш - двухмільённы мінчанін, які пакуль не з'явіўся на свет, атрымае ў падарунак кватэру ад сталічнай мэрыі. З новаспечанымі грамадзянамі Беларусі ўжо пазнаёмілася Надзея Сербіненка.

3 ліпеня 2017 года. Гэта дата назаўжды застанецца не толькі ў памяці маладой мамы Юліі Дудзінскай, але і ў пашпарце яе сына. Першынец з'явіўся на свет на тыдзень раней за тэрмін, тым самым забяспечыўшы сям'і двайное свята.

У той час як уся краіна сачыла за калонамі ваеннай тэхнікі, авіяцыяй і выступленнем артыстаў на гала-канцэрце, урачы рабілі сваю працу.

Пакуль у Мінску праходзіў ваенны парад і грукатаў салют, у радзільных дамах працягваліся акушэрскія змены. У выніку за 24 гадзіны Дня Незалежнасці на свет з'явіліся 68 нованароджаных мінчан. Характэрна, што хлопчыкаў - будучых абаронцаў Айчыны - нарадзілася ледзь больш.

Толькі ў Мінскім абласным радзільным доме 3 ліпеня з'явіліся на свет 7 хлопчыкаў і 4 дзяўчынкі. Зараз іх мамы набіраюцца сіл, некаторыя ўжо рыхтуюцца да выпіскі. Мама Надзея ўпэўненая - нарадзіцца ў Дзень Незалежнасці - добры знак.

Сёння па ўсёй краіне ў мам, якія нарадзілі дзяцей 3 ліпеня, асабліва шмат наведвальнікаў. Проста ў радзільных дамах іх віншуюць і ўручаюць падарункі не толькі мамам, але і нованароджаным.

Галоўны ініцыятар акцыі "З любоўю да дзяцей" ужо дзявяты год запар - "Белая Русь". За гэты час удзельніцамі мама-марафона сталі дзве з паловай тысячы жанчын па ўсёй краіне.

Яшчэ адзін сюрпрыз для будучых бацькоў зараз рыхтуе мінская мэрыя – двухмільённы мінчанін, які з'явіцца на свет меркавана ў канцы года, атрымае спецпрыз.

Усяго ў Дзень Незалежнасці з'явіліся на свет 214 маленькіх беларусаў. Пакуль нованароджаныя разам з мамамі - пад назіраннем урачоў, але да канца тыдня большасць вернуцца дахаты.