Беларусь прызналі лепшай краінай для агратурызму паводле версіі часопіса National Geographic Traveler. За намі са значным адставаннем Італія, Кітай, Бразілія і ЗША. Але папулярнасць набірае і экатурызм. Не толькі на зямлі, але і пад вадой. Так, першы міжнародны злёт на Віцебшчыне правялі дайверы Беларусі, Украіны і Расіі, апусціўшыся ў самае глыбокае возера сінявокай - Доўгае. Дарэчы, калі параўнаць яго з гмахам, то гэта прыкладна 20-павярховы будынак. Дзе фестываль пройдзе ў наступным годзе, пакуль не гавораць, але ўжо вядома, што геаграфія пашырыцца. Чаму беларускія глыбіні знаходзяцца ў спісе дайвераў нароўні з вядомымі курортамі для апусканняў і ў чым наша адметнасць? Ксенія Лебедзева акунулася ў тэму з галавой і сама ацаніла турыстычны патэнцыял падводнага свету Беларусі.
За 50 метраў да паверхні вады людзі здымаюць фільм. Рухаюцца як рыбы ў вадзе. Яны ныралі са сваімі камерамі ў Міжземнае мора, Чырвонае, Індыйскі акіян, Персідскі заліў. На такую ж глыбіню можна апусціцца і ў самым глыбокім возеры Беларусі - Доўгім, уявіўшы сябе героем легендарных кінастужак Жака-Іва Кусто.
Праўда, вы не ўбачыце каралаў і гіганцкіх рыб - іх проста тут няма, ды і вада не празрыста-блакітная, але наша адметнасць у іншым.
Акрамя вострых адчуванняў у глыбіні беларускіх азёр, флоры і фаўны, падводны ландшафт, які заваёўвае сваёй разнастайнасцю і такой блізкасцю. Бо калі яшчэ зможаш дастаць рукой да самага дна і ўбачыць пад воднай роўняддзю схаваныя прыродай фігуры і прадметы, а яшчэ інсталяцыі, якія накрылі вадой.
Леанід і дайвінг - 5 гадоў разам. Але за гэты час ён апусціўся на глыбіню і ўбачыў падводны свет 57 краін.
Ад фільмаў Кусто і цягі ў блакітную бездань і на затопленыя караблі да развіцця дайвінгу тут у Беларусі. Канстанцін не толькі плавае сам, але і вучыць гэтаму іншых. У яго гомельскім клубе дайвінгу ўжо больш за 100 чалавек.
Для Багдана гэта ўжо 70-е апусканне, самае глыбокае - каля 40 метраў. Успамінаючы першае ў Чырвоным моры, гаворыць, што трошку, але паніка была.
Перад тым як апусціцца пад ваду, крыху ўступнай інфармацыі, як правільна дыхаць і перасоўвацца. У нашых кліматычных умовах першае апусканне з аквалангам у пачаткоўцаў праходзіць у басейне. Сёння - выключэнне.
Тры чвэрці планеты пакрытыя вадой. Гэта свет неверагоднай прыгажосці і захапляльных прыгод. Дайвінг - пропуск у гэты свет. Свет старажытны і загадкавы, як само жыццё.
