Хварэлі і хваляваліся за Дар'ю на радзіме. Тэлефоны ў родным доме ў пасёлку Патока Клічаўскага раёна не змаўкаюць з учарашняга позняга вечара. Трэнеры вучылішча алімпійскага рэзерву, выкладчыкі сённяшняй альма-матар спартсменкі -універсітэта імя Куляшова - гавораць аб заслужанай перамозе.
Пра тое, як на радзіме чэмпіёнкі сустрэлі алімпійскую навіну, раскажа Андрэй Ястрабаў. Дзверы дома Навумавых сёння не зачыняюцца з самай раніцы. Вось і зараз з падарункамі да родных алімпійскай чэмпіёнкі прыехалі ад імя раёна. Гавораць: хварэлі ўсе.
У бацькі Дар'і Сяргея Навумава не змаўкае тэлефон. Тэлефануюць з усіх куткоў Беларусі. З віншаваннямі прыйшлі і суседзі.
У сям'і ўжо стаміліся лічіць, колькі разоў за сёння бацька, сёстры, пляменніца пераглядалі алімпійскае выступленне Дар'і Навумавай. Упэўненыя: на п'едэстале яна заслужана. Бо гэта толькі яны і сама Даша ведаюць, чаго каштавала гэтая перамога.
Зараз альбом з дасягненнямі Дар'і, гавораць старэйшыя сёстры Марына і Паліна Навумавы, - гэта трафеі алімпійскай чэмпіёнкі. Жартуюць: як быццам нават пацяжэў пасля такой перамогі.
У сям'і Навумавых жартуюць: падрастае яшчэ адна будучая чэмпіёнка - пляменніца Дуняша, якая ўжо капіруе выступленні гімнастаў.
Менавіта з такіх маленькіх поспехаў пачынала калісьці і Дар'я, гаворыць мама алімпійскай чэмпіёнкі Ірына Навумава. Яна зараз жыве ў Жодзіне. І таксама прымае віншаванні. А яшчэ не адыходзіць ад скайпа. З дачкой пастаянна на сувязі.
Ужо трэція Алімпійскія гульні цяжкая атлетыка прыносіць першыя медалі ў скарбонку зборнай Беларусі. Дар'я Навумава захавала спартыўныя традыцыі, даўшы старт беларускім перамогам.
З перамогамі беларускіх спартсменаў чакаюць і ва ўніверсітэце імя Аркадзя Куляшова - альма-матар многіх алімпійскіх чэмпіёнаў, якія і зараз там, за акіянам, у Рыа.
Галерэю спартыўнай славы ўніверсітэта папоўніць і фатаграфія Дар'і Навумавай - алімпійскай чэмпіёнкі, якая прынесла Беларусі на Алімпіядзе ў Рыа сярэбраны медаль.
Варта сказаць, што ўніверсітэт ніколі не адыходзіў ад алімпійскага руху. На яго рахунку перамогі такіх знакамітых алімпійцаў, як Святлана Баітава, Аляксандр Масяйкоў, Андрэй Рыбакоў. І гэты спіс можна было б працягваць.
