Першая секцыя беларускай антарктычнай станцыі гатовая. Навінку ацанілі функцыянеры Акадэміі навук, вытворцы і самі палярнікі. Для навукоўцаў гэта не проста рабочы інструмент, але і спосаб выжывання. Не сакрэт, што ўмовы, у якіх даводзіцца паўгода жыць у Антарктыдзе, самі спецыялісты параўноўваюць з касмічнай ізаляцыяй. Сакрэтную распрацоўку ўпершыню паказалі журналістам.
Расказва Аляксандр Смірноў. Уласная распрацоўка палярнай станцыі вялася ў строгай таямніцы на рэжымным аб'екце. Узровень сакрэтнасці, нібы для касмічнай праграмы, не здзіўляе. Бо ўмовы, у якіх даводзіцца працаваць навукоўцам у Антарктыдзе, самі спецыялісты называюць экстрэмальнымі.
Яўген Сніткоў прызнаецца, што толькі над канструкцыяй першай секцыі модуля працаваў больш чым паўгода. Асабіста тэсціраваў яе ў палявых умовах. Самае важнае патрабаванне - улік умоў надвор'я. Пры зборцы выкарыстоўваліся спецыяльныя матэрыялы, якія не страчваюць свае ўласцівасці і дазваляюць станцыі вытрымліваць 60 градусаў марозу і сілу ветру 70 метраў за секунду.
Бадай, самы патрабавальны суддзя - кіраўнік экспедыцыі. Аляксею Гайдашову тут жыць і працаваць усе паўгода, колькі доўжыцца знаходжанне ў Антарктыдзе. А пакуль ён праводзіць першую рабочую сустрэчу. У якасці госця наша здымачная група.
Аўкцыён на выраб дзвюх астатніх секцый модуля кіравання сувяззю і навігацыяй у стадыі завяршэння. Да восені яны павінны быць гатовыя і на адзінай платформе адправяцца ў Антарктыду, дзе і пройдзе канчатковая прыёмка станцыі.
Праўда, ёсць адзін нюанс: расіяне скарачаюць фінансаванне праграм палярных даследаванняў. Магчыма, беларускаму боку давядзецца праплаціць заход судна "Акадэмік Фёдараў" у патрэбны квадрат. А гэта дадатковыя, але неабходныя траты, каб даставіць станцыю да месца прызначэння.
