Некалькі дзён таму экіпаж прайшоў Аляску, праляцеў міма самага высокага пункта Паўночнай Амерыкі - гары МакКінлі. Яе вышыня больш чым 6 тысяч метраў. Беларусы ўжо перасеклі медыяну кругасветнага пералёту - палова зямнога шара ззаду. Гэта значыць геаграфічна пілоты накіроўваюцца ў бок Мінска. Пройдзена ўжо каля 16 тысяч кіламетраў. З цяжкасцяў экіпаж называе толькі недахоп адпачынку. На сон у іх максімум пяць гадзін і далей ізноў у неба. На пройдзеным адрэзку маршруту (а гэта два дзясяткі ўзлётаў і пасадак) самыя яркія эмоцыі, бясспрэчна, пакінула Аляска.
Сённяшні дзень пілоты правядуць на зямлі (а менавіта ў Мантане), а самалёт перададуць на планавае тэхабслугоўванне. Па Амерыцы частка маршруту пройдзе над нацыянальнымі паркамі, каб паказаць іх з вышыні птушынага палёту. Праз пяць дзён экіпаж накіруецца ў бок Канады.
