Базавая арэндная велічыня і памер арэнднай платы ў Беларусі не будуць расці без малога два гады - да красавіка 2024-га. Рашэнне прынята ўрадам. Яно датычыцца прадпрыемстваў і арганізацый, якія карыстаюцца дзяржмаёмасцю: памяшканнямі, абсталяваннем, транспартам. Гэта дазволіць захаваць умовы для стабільнага функцыянавання суб'ектаў гаспадарання, адзначылі ва ўрадзе. Базавая стаўка не мянялася ў краіне з сакавіка 2019-га, зараз яна складае 16 рублёў 90 капеек.
Акрамя таго, у найбліжэйшы час будзе распрацаваны парадак выдзялення дзяржмаёмасці, што не выкарыстоўваецца больш чым тры гады, у бязвыплатнае карыстанне вытворчаму бізнесу на 5-гадовы тэрмін. Гэта дасць магчымасць вытворцам накіроўваць сродкі на пашырэнне і мадэрнізацыю, а не выплату арэнднай платы.