Віцебская вобласць актыўна рыхтуецца да прыняцця XI Форуму рэгіёнаў Беларусі і Расіі. Ён зарэкамендаваў сябе як унікальная пляцоўка для зносін кіраўнікоў рэгіёнаў дзвюх краін.
Пра гэта заявіла старшыня Савета Рэспублікі Наталля Качанава падчас паездкі ў Полацк для кантролю за ходам падрыхтоўкі аб'ектаў, што будуць задзейнічаны на мерапрыемстве. Асаблівасць цяперашняга форуму - правядзенне яго ў трох гарадах Беларусі: Віцебску, Полацку, Наваполацку. Полацк у якасці адной з пляцовак выбраны невыпадкова. Ён з'яўляецца самым старажытным горадам Беларусі. Зараз у ім ідзе рэканструкцыя будынкаў. І як адзначыла Наталля Качанава, асаблівая ўвага надаецца захаванню гістарычнай і культурнай каштоўнасці аб'ектаў.
XI Форум рэгіёнаў Беларусі і Расіі пройдзе 27-28 чэрвеня. Запланавана работа дзевяці тэматычных секцый. Асноўныя напрамкі - інавацыйныя падыходы ў адукацыі, культуры, ахове здароўя і эканоміцы. А таксама ўдзельнікаў і госцяў форуму чакае шырокая культурная праграма.
