Традыцыйная акцыя "Нашы дзеці" сёлета пройдзе з выкананнем антыкаранавірусных мер. Аб гэтым заявіў намеснік прэм'ер-міністра Ігар Петрышэнка падчас пасяджэння аргкамітэта ў фармаце відэаканферэнцыі. Віцэ-прэм'ер адзначыў, што Новы год павінен прайсці для дзяцей радасна незалежна ад любых інфекцый. І кожнае дзіця павінна адчуць клопат дарослых. А для таго, каб правесці мерапрыемства бяспечна, важна выконваць фізічнае дыстанцаванне, выкарыстоўваць маскі і антысептыкі.
Ігар Петрышэнка, намеснік прэм'ер-міністра Беларусі: "Мы будзем актыўна наведваць дзіцячыя сады, дзіцячыя бальніцы, адпаведныя дамы сямейнага тыпу, дзе выхоўваюцца нашы дзеці, якія трапілі ў цяжкую жыццёвую сітуацыю, ёсць адпаведныя спецшколы, там таксама нашы дзеці, якія спатыкнуліся, але зараз выпраўляюцца, мы іх таксама ў абавязковым парадку віншуем".
Акцыя "Нашы дзеці" стартуе ўжо 10 снежня. Плануецца, што ў рамках мерапрыемства з Новым годам павіншуюць больш як 15 тысяч дзяцей-сірот і дзяцей з інваліднасцю. Усяго на парадку - наведванне больш як 90 дзіцячых сацыяльна значных аб'ектаў - ад школ-інтэрнатаў, сацыяльных прытулкаў да цэнтраў развівальнага навучання і рэабілітацыі.
