Аператыўнікі і сталічны спецназ правялі аперацыю ноччу. Двое маладых людзей 27 і 28 гадоў падазраюцца ў арганізацыі і ўцягванні ў занятак прастытуцыяй. Сабраны факты, паводле якіх падазроныя пастаўлялі мужчынам, у асноўным кліентам Шангры Ла, дзяўчат мадэльнай знешнасці для аказання платных інтым-паслуг. Збор інфармацыі вёўся 4 гады, з моманту адкрыцця казіно. Узбуджана крымінальная справа.
І яшчэ, паводле аператыўных даных міліцыі, спынена злачынная дзейнасць не толькі супрацоўнікаў казіно Шангры Ла, але і іншых асоб - яны падазраюцца ў арганізацыі секс-турызму на тэрыторыі Беларусі. На тэрыторыі казіно праведзена дакументаванне і збор рэчавых доказаў у рамках расследавання крымінальных спраў.
