На якім транспарце ездзілі мінчане па вуліцах мінулых часоў, убачыла Наталля Кузьміцкая.
Мінск - горад музеяў. Гістарычны, нацыянальны, ваенны, мастацкі, а зусім нядаўна ў Верхнім горадзе сталіцы з'явіўся і музей карэт з сапраўднымі брычкамі, карэтамі і коннай амуніцыяй.
Экспазіцыя прысвячаецца гісторыі гужавога транспарту, на якім у дарэвалюцыйны час перамяшчаліся жыхары Мінска і Мінскай вобласці.
Самая вялікая чатырохмесная брычка на сённяшнія меркі як мерседэс, на ёй 100 гадоў таму ездзілі заможныя гараджане.
Ёсць у музеі самы танны транспарт - гэта сані, якімі кіраваў рамізнік, і зусім лёгкая прагулачная брычка, якая кіравалася самім пасажырам.
Для наведвальнікаў музея, акрамя цікавай экскурсіі, падрыхтавалі і мультымедыйную праграму. На праектары можна паглядзець фатаграфіі старадаўняга Мінска, а таксама прайсці маршрутам сталічных рамізнікаў таго часу. Распрацавана і забаўляльная гульня Збяры экіпаж.