Наша здымачная група была запрошаная на прыёмку карцін Нацыянальным мастацкім музеем. Прычым у Мінску мастака выстаўляюць упершыню. Апроч жывапісу, прадэманструюць графіку, малюнкі аэраалоўкамі, дакументы, лісты і відэафільм. Дзяліць арт-прастору з італьянцам будуць паэтычныя вобразы Шагала - экспрэсіянісцкія працы Суціна і абстракцыі Хадасевіча-Лежэ.
Масіма Дуранці, старшыня культурнай асацыяцыі "Архіва Джэрарда Даторы", куратар выставы, Італія:
"На жаль, наша рашэнне ў выбары твораў было абмежавана памерамі, і мы не змаглі прывезці маштабныя творы. Тым не менш, мы падабралі 16 прац, якія адлюстроўваюць практычна ўвесь перыяд творчасці Даторы".
Аляксандр Зіменка, кандыдат мастацтвазнаўства, куратар карпаратыўнай калекцыі:
"Падрыхтоўка да гэтай выставы пачалася прыблізна год таму, калі нашы італьянскія калегі прыехалі і падбіралі працы беларускіх аўтараў, якія маглі б дапоўніць выставу і паказаць такі дыялог культур. І, зразумела, што пра Беларусь яны, у першую чаргу, ведалі Шагала і Суціна".
Адкрыццё выставы квартэта мастакоў у сераду - 31 мая.