У Беларусі пройдзе год італьянскай культуры ў гонар 25-годдзя ўстанаўлення дыпламатычных адносін дзвюх краін. Сёння пра гэта аб’явіў Надзвычайны і Паўнамоцны Пасол Італіі. Асноўным месцам правядзення мерапрыемстваў міжземнаморскай краіны стане Мінск. Іх запланавана больш за 30. Канцэрты італьянскіх музыкантаў, новыя тэатральныя праекты, дні італьянскай моды і дызайну, кінапаказы, а таксама двухбаковыя выставы. Прадугледжаны таксама гандлёва-эканамічныя форумы і круглыя сталы.
Стэфана Б’янкі, Надзвычайны і Паўнамоцны Пасол Італіі ў Беларусі: "Мы хочам умацоўваць супрацоўніцтва нашых краін у розных культурных сферах, у тым ліку праз тэатральныя праекты і мастацкія выставы. У Мінску ўжо існуюць спектаклі, праводзіліся экспазіцыі. Аднак вялікую ролю ў ажыццяўленні некаторых творчых ідэй адыгрывае моўны бар'ер, але гэта не перашкода. Мы спадзяёмся, што італьянскіх рэжысёраў і мастакоў, якія працуюць у Беларусі, стане яшчэ больш".
Спецыяльна да года італьянскай культуры ў Беларусі быў распрацаваны тэматычны лагатып. Пад адметным знакам, афарбаваным у колер флагаў дзвюх краін, пройдуць усе запланаваныя праекты. Аналагічныя дні беларускай культуры пройдуць у дзясятках краін па ўсім свеце.
