Сумная навіна прыйшла з Масквы: на 70-м годзе пайшоў з жыцця вядомы расійскі пісьменнік-сатырык Міхаіл Задорнаў.
Восенню мінулага года ў яго была дыягнаставана пухліна галаўнога мозгу. Артыст неаднаразова праходзіў курс хіміятэрапіі. Сёлета перанёс цяжкую аперацыю, аднак гэта не дапамагло. Сын пісьменніка, лаўрэата Сталінскай прэміі Мікалая Задорнага, прадоўжыў справу бацькі. Міхаіл Задорнаў - член Саюза пісьменнікаў Расіі, драматург - аўтар дзясяткаў лірычных і сатырычных кніг. Шматлікія фразы гумарыста сталі крылатымі.
Міхаіл Задорнаў неаднаразова наведваў Беларусь. Менавіта ў Мінску ў канцы 80-х сатырык зняўся ў кароткаметражным фільме "Не разумею" паводле апавяданняў самога Задорнага і гумарыста Сямёна Альтава.
Задорнаў вядомы і як драматург. Ён супрацоўнічаў адразу з двума нацыянальнымі тэатрамі Беларусі. На галоўнай драматычнай сцэне нашай краіны - у Купалаўскім тэатры - быў пастаўлены спектакль "Тапалёвая завея" паводле яго п'есы, а ў тэатры імя Горкага - "Запіскі стомленага рамантыка".
