Сумная навіна літаральна гадзіну таму прыйшла з Санкт-Пецярбурга. Памерла Людміла Сенчына. Народнай артыстцы Расіі было 67 гадоў. Са снежня спявачка знаходзілася пад назіраннем у адной з клінік Санкт-Пецярбурга. Людміла Сенчына нарадзілася ва Украіне, а пасля заканчэння школы сям'я пераехала ў Ленінград, дзе Сенчына скончыла музвучылішча Рымскага-Корсакава. Усенародную любоў артыстка здабыла дзякуючы выкананню песні "Папялушка".
Пасля заканчэння ВНУ Людмілу Сенчыну запрасілі ў Тэатр музычнай камедыі. Яе візітнай карткай стала выкананне рамансаў. За сваю кар'еру артыстка выпусціла 8 альбомаў. Акрамя музычнай кар'еры, Людміла Сенчына здымалася ў кіно. Яна выканала ролі ў карцінах "Пасля кірмашу", "Чароўная сіла", "Узброены і вельмі небяспечны" і іншых.
