Мару трапіць на сапраўдны баль ажыццявіла Пушкінская бібліятэка.
Танцы 19 стагоддзя і музыка 20-га! Творчы эксперымент прэзентавалі супрацоўнікі Мінскай абласной бібліятэкі, якая носіць імя класіка. У эпоху свецкіх раўтаў акунулася Ларыса Гулякевіч.
Пушкінскі баль - у пушкінскай бібліятэцы
Вальс, паланэз і французская кадрыля! Трапіць на баль у Пушкінскую эпоху прапануе Пушкінская бібліятэка. У праграме оперныя арыі і бальныя гульні, выставы, прысвечаныя творчым асобам, якія жылі ў пушкінскія часы.
Атмасферу 19 стагоддзя стваралі мастацкія і кніжныя выставы, майстар-класы, а таксама музыка. У канцэртнай праграме гучалі як оперныя арыі, так і джаз, і лацінаамерыканскія кампазіцыі ў выкананні прафесійных калектываў з Фаніпаля і Барысава. Але галоўнай падзеяй сталі "бальныя танцы для ўсіх". З дапамогай прафесіяналаў можна было асвоіць асновы полькі ці вальса за некалькі прыёмаў.
Займаць гасцей балю - асаблівая адказнасць. Складаць пары для танцаў, фатаграфаваць і расказваць дзецям пра бальныя традыцыі дапамагалі валанцёры - студэнты Універсітэта культуры.
Па-сапраўднаму пушкінскім праект зрабіў і бук-тур, прысвечаны сусветна вядомаму пісьменніку і паэту. Супрацоўнікі бібліятэкі сабралі шмат цікавых фактаў з жыцця Аляксандра Сяргеевіча Пушкіна, а таксама аднавілі генеалагічнае дрэва паэта, дзе ёсць і беларускія карані.
Тэатральныя дэкламацыі пушкінскай прозы, паэзіі, а таксама дэманстрацыя творчасці мастакоў і літаратараў тых часоў - у наступным праекце Пушкінскай бібліятэкі.