Час планаваць культурную праграму на выхадныя. Мінчанам прапануюць наведаць выставу іранскага мастацтва ў галерэі "Універсітэт культуры", а таксама паслухаць оперу "Лятучы галандзец" з лепшымі беларускімі салістамі. Больш падрабязна раскажа Ларыса Гулякевіч. Выпуск працягвае рубрыка “Праменад”.
Выстава, прысвечаная іранскаму мастацтву, адкрылася ў галерэі "Універсітэт культуры". Менавіта яно - адна з галоўных характарыстык персідскай цывілізацыі, дзе выкарыстоўваюцца ўсе матэрыялы. Ад тканін да металу.
Экспазіцыя арыгінальных работ амаль 40 майстроў у розных напрамках знаёміць з феноменам іранскай культуры. Унікальнасць і самабытнасць культуры аднаго з найстаражытнейшых народаў свету прадэманстраваная ў творах ткацтва, каліграфіі, жывапісу, керамікі, драўлянай скульптуры, мініяцюры. Увогуле - амаль 100 твораў мастацтва. На выставе, якая будзе доўжыцца да 13 лютага, праводзяцца майстар-класы па ткацтве дывана, стварэнні мініяцюры і каліграфіі.
Вялікія тэатралы звычайна выбіраюць не толькі вядомую п’есу, але і любімых артыстаў. Так, вядомы на ўвесь свет беларускі бас Аляксандр Рославец выступіць у ролі Даланда. Опера Вагнера "Лятучы галандзец"
У суботу, 4 лютага, брастаўчанін, які зараз належыць сусветнай оперы, на роднай беларускай сцэне ўпершыню выканае партыю вагнераўскага Даланда. Аляксандр Рославец выдатна скончыў Санкт-Пецярбургскую кансерваторыю і служыў салістам Вялікага тэатра Расіі. Зараз ён жыве ў Германіі і выступае на сцэне франкфурцкай оперы.
Рубрыка “Праменад” пабывала на рэпетыцыі спектакля "Лятучы галандзец".
У суботу на сцэну Вялікага выйдуць зоркі тэатра Уладзімір Пятроў, Анастасія Масквіна, Юрый Гарадзецкі - фіналіст расійскага конкурсу "Вялікая опера". За дырыжорскім пультам - Віктар Пласкіна.
У Мінску 60 рэпрадукцый самага знакамітага аўстрыйскага мастака Густава Клімта ў так званай паўнаметражнай тэхніцы капіявання. Палотны Клімта ўваходзяць у дзясятку найбольш дарагіх карцін свету.
"Макавае поле", "Тры ўзросты жанчыны", "Сяброўкі", "Пацалунак". Усё гэта Клімт - лідар венскага авангарду, яго імя непарыўна звязана са стылем мадэрн. Дарэчы, адзін амерыканскі калекцыянер набыў для сваёй галерэі партрэт Адэлі Блох-Баўэр за рэкордныя 135 мільёнаў долараў. Гэты знакаміты твор - жывапісную рэпрадукцыю карціны - цяпер можна ўбачыць у Мінску.
На выставе - амаль 30 рэпрадукцый карцін і столькі ж малюнкаў - мінімалістычных замалёвак Клімта алоўкам на паперы.
У Мінску выстава прабудзе да сярэдзіны лютага. Потым экспазіцыя адправіцца ў сусветнае турнэ. Клімта ўжо чакаюць у Берліне, Санкт-Пецярбургу, Маскве, Нью-Ёрку і Дубаі.
