Маладыя таленты прыйдуць на змену вялікім майстрам. Рэспубліканскі мастацкі конкурс сярод прафесіяналаў адзінаццаты раз падводзіць вынікі. Галоўнай пляцоўкай, якая сабрала моладзь з усёй беларусі на тыднёвае творчае спаборнітцва, стаў каледж імя Глебава.
Больш падрабязна – Наталля Бардзілоўская. "Глебаўцы" прыйшлося пацясніцца. Амаль 200 юнакоў і дзяўчат ад 9 да 19 гадоў з усіх рэгіёнаў краіны на час адправіліся ў майстэрні ўстановы. Мальберты, фарбы, алоўкі, гліна – цяпер усё папалам з навучэнцамі Дзяржаўнага мастацкага каледжа. Тэматычныя заданні ў канвертах – усё як на экзамене. За некалькі дзён прыезджым канкурсантам трэба даказаць свой талент і матываванасць на прафесійнасць у выяўленчым мастацтве.
Тры ўзроставыя групы, для кожнай чатыры намінацыі. Работы канкурсантаў зашыфраваныя. Жывапіс, скульптура, дэкаратыўна-прыкладное мастацтва і дызайн. Навыкі акадэмічнага выяўлення і ўменне не толькі паўтарыць натуру, але і праявіць фантазію і самому прапанаваць свабодную кампазіцыю – гэта журы ацэньвае ў першую чаргу і ў кожным відзе мастацтва.
Гэта ўжо адзінаццаты Рэспубліканскі адкрыты мастацкі конкурс, праводзіцца ён раз на тры гады. Удзельнікі – навучэнцы мастацкіх школ і каледжаў. У выпадку перамогі дзеці аўтаматычна трапляюць у базу Спецыяльнага фонду Прэзідэнта Беларусі па падтрымцы таленавітай моладзі.
Творча цікавы, а яшчэ стымулюючы. Перамога ў Рэспубліканскім адкрытым мастацкім конкурсе дае дзецям перавагу пры паступленні. Так, тыя, хто атрымлівае з першага па трэцяе месца ў сярэдняй узроставай групе, могуць без экзаменаў паступаць у любы мастацкі каледж. Адпаведна лідараў старэйшай конкурснай групы без экзаменаў чакаюць у Беларускай акадэміі мастацтваў.
Такім чынам і сама "Глебаўка" прыглядаецца да будучых сваіх абітурыентаў. А кагосьці конкурс наогул падштурхне звязаць лёс з высокім - зрабіць крок ад самадзейнасці да прафесіяналізму.