Як Вялікая кітайская сцяна адкрылася свету, якім чынам Паднябесная стала другой эканомікай планеты - шлях Кітая да адной з самых развітых краін свету прадэманстраваны на фотавыставе ў сталічным Доме дружбы. Імклівы рост кітайскай эканомікі паскорыла палітыка рэформ і адкрытасці. Яе рэалізацыя пачалася роўна 40 гадоў таму. Запуск высокахуткаснага цягніка паміж Пекінам і Шанхаем, палёт першага касмічнага карабля ў космас, міжнародныя форумы і выставы - на фота адлюстраваны вялікія дасягненні Кітая. Некаторыя з іх не ўдалося паўтарыць ніводнай краіне.
За 40 гадоў правядзення палітыкі рэформ і адкрытасці кітайская эканоміка ажыццявіла прарыў. Моцны міжнародны імпульс супрацоўніцтва і развіцця падхапіла і Беларусь. Нашы краіны разам развіваюць ідэі "Новага Шаўковага шляху" і ініцыятывы "Адзін пояс і адзін шлях".
