Прэзідэнцкі аркестр Беларусі сёння ў Палацы Рэспублікі прэзентуе трэці сімфарок-праект "Дым над вадой". Варта адзначыць, што рокавыя канцэрты аркестра мінулых гадоў прайшлі з аншлагам. Гледачы зноў змогуць ацаніць музыку Deep Purple, Metallica, Guns'n'Roses, Scorpions і Queen у выкананні аркестра.
Сусветныя хіты прагучаць у выкананні Пятра Ялфімава, Георгія Калдуна, Аляксандра Патліса і нават опернага баса Анатоля Сіўко. "Дым над вадой - 3" здзівіць не толькі музычнай праграмай, але і спецыяльным святлодыёдным шоу.
