Літаратурны монаспектакль аб радзіме. Галоўны рэдактар дзіцячага часопіса "Вясёлка" пісьменнік Уладзімір Ліпскі падрыхтаваў тэатральную пастаноўку, дзе выканаў галоўную ролю. У аснову спектакля "Мая Беларусь" пакладзены твор самога аўтара. У Год малой радзімы празаік расказаў аб успамінах дзяцінства, ваенным часе і разуменні сучаснай Беларусі. Прэм'ерны паказ спектакля "Мая Беларусь" адкрыў новы сезон беларускага паэтычнага тэатра аднаго акцёра "Зніч".
Уладзімір Ліпскі, пісьменнік, галоўны рэдактар часопіса "Вясёлка": "Стагодзямі чалавек выхоўваўся на літаратурным мастацкім слове, якое выходзіць з душы пісьменніка. І гэтым самым мне хацелася б паказаць: давайце выходзіць на малыя і вялікія сцэны са сваім мастацкім словам і будзем уносіць свой унесак у выхаванне сённяшняй моладзі".
У спектаклі гучыць музыка беларускіх кампазітараў. Пастаноўка "Мая Беларусь" застанецца ў рэпертуарнай афішы тэатра "Зніч". Яе таксама плануюць паказаць і ў абласных цэнтрах Беларусі.
