Прэм'ера аперэты "Цудоўная Алена" адбудзецца ў Беларускім музычным тэатры 10 і 11 лістапада

У Беларускім дзяржаўным акадэмічным музычным тэатры 10 і 11 лістапада адбудзецца прэм'ера аперэты Жака Афенбаха "Цудоўная Алена", паведаміў мастацкі кіраўнік тэатра, заслужаны работнік культуры Беларусі Адам Мурзіч падчас прэс-канферэнцыі, перадае БЕЛТА.

Аперэта "Цудоўная Алена" лічыцца адной з самых папулярных пастановак у сваім жанры. За 150 гадоў існавання яе ставілі амаль усе музычныя тэатры свету. Дзеючыя асобы - багі і багіні старажытнагрэчаскіх міфаў, якія жывуць сярод старажытнагрэчаскіх грамадзян. У аснову сюжэта аўтары паклалі міф аб выкраданні траянскім царэвічам Парысам Цудоўнай Алены, дачкі Зеўса і Леды і жонкі спартанскага цара Менелая. З-за чаго пасля пачалася Траянская вайна. Па словах Адама Мурзіча, музыка ў іх пастаноўцы складаная і вобразная, але лагічная, а камедыйная оперная рыска патрабуе годнага вакалу. У ім сябе змогуць праявіць і вопытныя, і маладыя артысты.
"Жак Афенбах - родапачынальнік жанру аперэты, але ў нашым тэатры мы ставім яго ўпершыню. Менавіта спляценне камічнага складальніка і опернага падыходу да вакалу, інструменталу і харэаграфіі прывяло да ўтварэння новага адгалінавання ў оперным жанры. Работа над гэтай пастаноўкай - сапраўды сур'ёзны крок для тэатра", - адзначыў галоўны дырыжор тэатра Юрый Галяс.

Прэм'ера аперэты адбудзецца 10 лістапада а 19-й гадзіне і 11 лістапада а 18-й.