Канкурсант Марцін Март у паўфінале праекта прадставіў унікальнае для Беларусі светлавое шоу з ужываннем спецыяльнага рэквізіту - бугенгі. У канцы красавіка сярод 24 удзельнікаў ён будзе змагацца за галоўны прыз праекта.
Чым бугенгіст будзе здзіўляць гледачоў у фінале шоу, высвятляла Наталля Кузьміцкая. Сапраўднага повара можна знайсці ў двух месцах, на кухні… і ў магазіне. Пераможца сёмага паўфіналу народнага шоу "Я магу!" Дзмітрый Марціноўскі, больш вядомы гледачам як Марцін Март, у жыцці піцэёла. Па-майстэрску працуе з цестам на кухні.
Да нядаўняга часу пра яго творчае захапленне ведалі толькі самыя блізкія. А сёння - уся краіна. Унікальнае светлавое шоу Марціна Марта здзівіла журы і заваявала сімпатыі публікі.
Спрыт рук і… бугенгі. З дапамогай гэтых мудрагелістых прадметаў, на сцэне кулінар Дзмітрый Марціноўскі пераўвасабляецца ў чараўніка Марціна Марта.
Насамрэч толькі здаецца, што ў праўляць бугенгамі вельмі проста. Маніпуляцыі гэтым рэквізітам патрабуюць сур'ёзнай падрыхтоўкі, не толькі тэхнічнай, але і фізічнай. Прафесіяналы могуць здзіўляць уяўленне аптычнымі ілюзіямі на працягу доўгага часу. А вось пачаткоўцам, каб падрыхтаваць хоць бы хвілінны нумар, спатрэбяцца шматгадзінныя трэніроўкі.
І сёння яго з'яўленне на публіцы не праходзіць без аншлагу. Дарэчы, за ўдзельнікаў праекта хварэюць сёння не толькі ў Беларусі, але і разам з тэлегледачамі з Мінска, Бабруйска, Віцебска і Гомеля свае галасы за ўпадабаны нумар адпраўлялі з Масквы, Санкт-Пецярбурга, Осла і нават горада Бордман, амерыканскага штата Арэгон. Толькі за тыдзень сайт Белтэлерадыёкампаніі сабраў больш як 12 тысяч праглядаў. Група падтрымкі ўдзельнікаў, безумоўна, самыя частыя наведвальнікі анлайн-дзённіка праекта.
Развязка праекта ўжо зусім хутка. Ідэі, чым пакарыць гледачоў у фінале ёсць, зрэшты, імі Дзмітрый Марціноўскі не спяшаецца дзяліцца, не выключана, што гэта будзе зусім іншы нумар.
