Невялікае мястэчка атрымала амаль міжнароднае гучанне дзякуючы выхадцу гэтых месцаў. Гэта малая Радзіма прэзідэнта Ізраіля Шымона Перэса. І сёння тут адкрылася вялікая адукацыйная канферэнцыя, прысвечаная актуальным праблемам, як яўрэйскага народа, так і іншым грамадска значным тэмам. Дарэчы, сёння ж тут адкрылі і памятную дошку на доме, дзе жыў Шымон Перэс. Ва ўрачыстых мерапрыемствах прыняла дачка палітыка.
Рэпартаж Станіслава Ліпскага.
Уладзімір Іванавіч вучыўся з Шымонам Перэсам у трэцім класе. Гаворыць, памятае яго добра, пасля яўрэйскай школы прыйшоў да нас у польскую. Але нават зараз, нягледзячы на розныя статусы, ён для яго першым чынам аднакласнік.
Перад Вялікай Айчыннай вайной насельніцтва Вішнёва складала каля 3000 чалавек з іх 2/3 яўрэі. У гады войны тыя, хто застаўся ў вёсцы, сталі ахвярамі халакоста. Напярэдадні вайны Шымон Перэс разам з бацькамі з'ехаў у Палесціну. Менавіта так пачаўся шлях ад Віленскай вуліцы ў Вішнёва да Прэзідэнцкай у Іерусаліме.
Прыняць удзел у цырымоніі адкрыцця памятнай дошкі бацькі прыехала дачка Цвія Вальдэн. Яна ўпершыню ў Беларусі.
Дом, у якім рос Шымон Перэс, спалілі салдаты нямецкай арміі. Пра дзяцінства нагадвае толькі вада. Ле хайм або За жыццё на іўрыце менавіта так Шымон Перэс прывітаў усіх сваіх сяброў, якія прыехалі сюды на малую Радзіму ў вёску Вішнёва. Адзінае, што засталося з яго дзяцінства некранутым - вось гэты калодзеж, паводле слоў Шымона Перэса, з лекавай вадой. Менавіта ў гэтым і сакрэт даўгалецця аднаго з самых найстарэйшых палітыкаў на планеце прызнаецца Цвія Вальдэн.
І сёння ізраільская дэлегацыя ўсклала вянкі да помніка ахвярам фашызму.
Іосіф Шагал, Надзвычайны і Паўнамоцны Пасол Ізраіля ў Беларусі: На працягу трох дзён пройдуць заняткі ў Віцебску: азнаямленне з культурай Беларусі, з яе традыцыямі, сувяззю яўрэйскіх і беларускіх традыцый. Сённяшні дзень прысвячаецца Шымону Перэсу, які сёлета адзначае 90-гадовы юбілей.
Свой юбілей лаўрэат Нобелеўскай прэміі свету плануе адзначыць у сябе на малой Радзіме, на гэта вельмі спадзяецца спадар пасол. Чакае свайго аднакласніка і Уладзімір Іванавіч, Шымон Перэс забраў агульную школьную фатаграфію, абяцаў зрабіць копію і вярнуць.
