Кітайскі Новы год яшчэ завуць святам вясны. Нягледзячы на тое што да яго застаецца больш за два тыдні, урачыстыя мерапрыемствы пачынаюцца ва ўсіх краінах Усходняй Азіі. Праходзяць яны і Беларусі.
На канцэрце ў Белдзяржфілармоніі пабывала наш культурны аглядальнік Ларыса Гулякевіч. Свята вясны з даўніх часоў з'яўляецца галоўным і самым працяглым у Кітаі і іншых краінах Усходняй Азіі. Дакладная дата яго святкавання засноўваецца на месячных фазах і адзначаецца пасля 21 снежня на 2-і маладзік.
Безумоўна, кітайскі народ адзначае Новы год 1 студзеня, але ўсё ж аддае перавагу традыцыйнаму святу вясны Чуньцзэ, які ў народзе завуць яшчэ месячны Новы год. У 2015 годзе, паводле кітайскага календара, 19 лютага наступіць 4713 год.
Сімвалам 2015 года будзе сіняя або зялёная драўляная Каза або Авечка.
На вясёлае свята вясны ў Беларусі прыехаў з Кітая Нанкінскі тэатр песні і танца, які быў заснаваны больш як 45 гадоў таму. У прафесійным мастацкім калектыве звыш ста артыстаў. Нацыянальныя танцы, вакальныя, цыркавыя нумары, пекінская опера і іншыя віды мастацтва, якія адлюстроўваюць спецыфіку кітайскай культуры - усё на сцэне Белдзяржфілармоніі.
Тут знаёмства з культурнымі традыцыямі і звычаямі Кітая, з мастацтвам кітайскай каліграфіі.
На думку кітайскага народа, Новы год наступае ў першы вясновы дзень, калі флора і фаўна прачынаюцца ад доўгага зімовага сну, зямля ажывае. З гэта дня пачынаецца новы гадавы цыкл.
