Рускі Сальвадор Далі выстаўляецца ў Мінску, ці ёсць сярод нас жывы Шаляпін і як давёз дракальва Цырк дзю Салей.
Як яшчэ папулярызаюць мастацтва ў гэты ўікенд, ведае Ніна Мажэйка.
Модныя чубкі і электрапоп. Адзін з самых паспяховых калектываў расійскага шоу-бізнесу TESLA BOY у Мінску. Хлапчуковы праект, які ладзіўся як дуэт для конкурсу ў Юрмале і выпадкова перарос яго. Цяпер яны бураць стэрыатыпы і выходзяць на міжнародны рынак.
Так ужо засвяціліся на вокладцы глянцавага брытанскага выдання і нават апынуліся ў трэк-лісце на плэеры прадзюсара Лэдзі Гагі і нават Джарэда Лета.
Для беларусаў і беларусак TESLA BOY спяюць ужо праз дзве гадзіны ў адным са сталічных клубаў. Вы яшчэ можаце паспець.
Бальзакаўская дама з галавой зграбнай кошкі і філосаф з фізіяноміяй сокала. Нікас Сафронаў усё ж такі давёз свае палотны да сталіцы. У галерэі Савіцкага ўжо можна паглядзець каля сотні яго работ, напісаных алеем. Партрэты, нацюрморты і пейзажы… Тут і Сяргей Дзягілеў, і Мая Плісецкая, і нават міні-версіі Пугачовай з Галкіным - заўсёды эксперыментуе і дазваляе сабе ствараць у розных стылях. Нават запатэнтаваў свой аўтарскі дрым-віжн. Сплю і бачу.
Руфат Ахмедаў, арт-дырэктар выставы Нікаса Сафронава ў г. Мінску: Гэта фрагменты нейкага сну, які бачыць чалавек за 5 хвілін да прабуджэння. Ён бачыць тую ці іншую карцінку, і яна, як правіла, бывае расплыўчатай, не заўсёды дакладнай. Вось іменна ўражанне, убачаную карцінку, ён перадае на холст.
Гэты харызматычны мастак, які, дарэчы, яшчэ і добры сам сабе рэкламіст напісаў і цыкл палотнаў на алімпійскую тэматыку. Дарэчы, сам маэстра хутка прыедзе ў сталіцу. Дасць майстар-класы і магчыма заключыць некалькі дагавораў на чатырохнулевую суму - гэта мінімальны кошт яго карцін.
Акадэмія музыкі шукае высокі бас светлага тэмбра… Ці іншыя галасы - фальцэт, барытон, дыскант. Конкурс імя Фёдара Іванавіча Шаляпіна падышоў да кульмінацыі. У гэты ўікенд у зале Белдзяржфілармоніі - аншлаг. Два дзясяткі юных вакальных талентаў. Усе гэтыя хлопцы ва ўзросце ад 9 да 20 гадоў валодаюць акадэмічнай манерай выканання. Але прайшлі жорсткі кастынг. Спачатку дасылалі прафесійнаму журы свае відэазапісы, а пасля асабіста прыехалі ў сталіцу і спелі на сцэне кансерваторыі.
Юрый Казакевіч, старшыня аргкамітэта конкурсу імя Ф.І. Шаляпіна: У абавязковую праграму ўваходзіць твор беларускай вытворчасці, таксама выкананне акапэла, каб праверыць слых і вакальныя здольнасці дзіцяці і твора па выбары.
Вёска на калёсах - Цырк дзю Салей зноў у Мінску. Вандроўнікі гатовыя паказаць сваю новую шоу-праграму Драліён. Галоўны герой, як вы ўжо здагадаліся, дракона-леў.
У трупе цыркавога тэатра - артысты 16 нацыянальнасцяў. Сярод іх ёсць і беларускі флаг. Майстар спорту міжнароднага класа - Якаў Ракіцкі з Магілёва. Літаральна парушае законы гравітацыі. Спінай ляціць на 8-метровы батут. Прызнаецца, зрэдку падчас скачкоў лопаецца скура на пятках.
Якаў Ракіцкі, артыст Цырка дзю Салей: Канечне, небяспечны нумар. Увесь час хвалюешся. Нейкае апасенне ёсць вылецець, штосьці не даляцець. Але страх, наадварот, дадае нейкай упэўненасці, сілы, энергіі.
Нашы айчынныя цыркі таксама падтрымліваюць марку. Неонавае шоу 22 сакавіка ў Палацы культуры ветэранаў.
Камерную пляцоўку трупа з Расіі выбрала для дасягнення большага эфекту. Мудрагелістыя ўзоры і дзясяткі надзвычайных колераў у абсалютнай цемры. Дадатковы аб'ём дзеянню надае музыка.
Артысты - усе прафесійныя музыканты, спартсмены і каскадзёры. Некаторыя нумары, напрыклад, рэнскае кола, калі чалавек знаходзіцца ўнутры, патрабуе адрэналінавага вопыту.
Такім будзе уікенд. Паглядзіце на яго ў культурным ракурсе. Не адмаўляйце сабе ў здавальненні.
