Вывучыць кітайскую мову і пазнаёміцца са старажытнай культурай Паднябеснай. Такія заняткі набываюць усё большую папулярнасць у мінчан. Аднаму з першых у сталіцы Інстытуту Канфуцыя лінгвістычнага ўніверсітэта пяць гадоў. За гэты час кітайскую мову тут вывучылі некалькі тысяч студэнтаў.
А сёлета беларуска-кітайскім дыпламатычным адносінам спаўняецца 25 гадоў. Пра сяброўства двух народаў, якое стала яшчэ больш мацнейшым, рэпартаж Надзеі Сербіненкі.
Некалькі тысяч слухачоў, аўтарскія методыкі навучання, сталыя студэнцкія абмены. За пяць гадоў існавання Інстытут Канфуцыя лінгвістычнага ўніверсітэта стаў адным з найбуйнейшых у краіне цэнтрам кітайскай культуры. Штогод у Мінск прыязджаюць выкладчыкі з КНР, больш за сто студэнтаў прайшлі навучанне ў Паднябеснай па стыпендыі Інстытута.
Адзін з самых каштоўных падарункаў інстытут-юбіляр атрымаў ад пасольства Кітая ў Беларусі - кнігу "Лунь Юй". На яе старонках апісваецца жыццё і дзейнасць Канфуцыя вачамі яго вучняў.
Глабальная сетка інстытутаў Канфуцыя аб'ядноўвае больш за чатырыста культурна-адукацыйных цэнтраў па ўсім свеце. Некаторыя інстытуты маюць спецыялізацыю: напрыклад, афінскі - бізнесу, лонданскі - кітайскай медыцыны.
Навучыцца мастацтву пляцення вузлоў можна ў Інстытуце Канфуцыя МДЛУ. Напрыклад, гэты і гэты вузел абазначае моц Кітая. Але ў залежнасці ад колеру нітак і іх спляцення мяняецца і сэнс вузла - гэта можа быць пажаданне дабрабыту, шчасця або ўдачы.
Ван Шывэй жыве ў Беларусі 10 гадоў. Аспірант педагагічнага ўніверсітэта не проста асвоіў беларускую мову: ён піша на ёй вершы, апавяданні і навуковыя манаграфіі. Апошняя праца - кніга філасофскіх эсэ пад назвай "Калі воблака ўсё ведае". У ёй Ван вучыць беларускага чытача кітайскай мудрасці: запаволіць тэмп жыцця і жыць, "як на воблаку".
Педагагічны ўніверсітэт працуе з кітайскімі калегамі шмат гадоў. Студэнты з Паднябеснай - будучыя педагогі - атрымліваюць у Мінску вышэйшую адукацыю, ступені бакалаўра і магістра, абараняюць дысертацыі. Потым яны выкладаць рускую і беларускую мовы ў сябе на радзіме.
Пакуль у Мінску тры інстытуты Канфуцыя - у лінгвістычным, тэхналагічным універсітэтах і БДУ. Акрамя таго, у некалькіх сталічных школах і гімназіях мову Кітая вывучаюць з першага класа. А летась першыя абітурыенты здалі ЦТ па кітайскай мове. У Міністэрстве адукацыі запэўніваюць: іх колькасць будзе толькі павялічвацца.
