Журы назаве не больш за 15 выканаўцаў, якія будуць змагацца за права прадставіць нашу краіну на прэстыжным музычным конкурсе. І ў гэтыя хвіліны ў Белтэлерадыёкампаніі праходзіць праслухоўванне ўдзельнікаў. Усяго на Макаёнка, 9 прыйшло больш як 80 заявак, і ўчора больш за палову з іх ацанілі вядомыя дзеячы культуры. У судзейскай калегіі - Васіль Раінчык, Аляксандр Ціхановіч, Алёна Ланская і старшыня журы Генадзь Давыдзька.
Вольга Шлягер, кіраўнік Нацыянальнага адборачнага тура Міжнароднага конкурсу песні Еўрабачанне-2014: Сёння ў нас больш за 50 чалавек. Нават яшчэ ўчора ўвечар прыходзілі заяўкі, датаваныя 24 лістапада, 23 лістапада. І мы тэрмінова выклікалі людзей на праслухоўванне.
Аляксандр Мяжэнны, дырэктар школы танца, член журы Нацыянальнага адборачнага тура Міжнароднага конкурсу песні Еўрабачанне-2014: Адназначна бачныя некаторыя ўдзельнікі, якія задумаліся над тым, які паказаць нумар і паказаць на адбор калі не гатовы варыянт, дык, прынамсі, нейкія задумкі, нейкія думкі. Хтосьці прыходзіць у касцюмах, хтосьці прыходзіць, скажам, з балетнай парай.
Дэлегата Беларусі на Еўрабачанне вызначаць прафесіяналы і гледачы ўжо ў студзені. Фінал пакажа Белтэлерадыёкампанія, якая з'яўляецца адзіным у нашай краіне прадстаўніком Еўрапейскага Вяшчальнага Саюза.
Падрабязнасці праслухоўвання і імёны фіналістаў глядзіце сёння на інфармацыйным канале Панарама.