І ўжо па традыцыі мы раскажам пра самых яркіх удзельнікаў народнага шоу "Я магу!". Сёння герой нашага сюжэта - фокуснік з Брэста Павел Шчарбак. Яго дзіўны нумар пакарыў журы ў 10-м паўфінале. Дарэчы, за адно выступленне таленавіты ўдзельнік можа паказаць неабмежаваную колькасць фокусаў толькі з калоды карт.
Аб сакрэтах ілюзіяніста даведвалася Аляксандра Драгун.
Глынаць іголкі ілюзіяніст Павел Шчарбак навучыўся два гады назад. Прызнаецца, на такія небяспечныя фокусы ў першую чаргу натхняюць глядацкія эмоцыі. Трук з вострымі прадметамі пакарыў і журы народнага шоу "Я магу!".
Ідэі для новых трукаў прыходзяць… у спартыўнай зале. І хай тут замест калоды карт у руках бадмінтонная ракетка. Гаворыць, за адно выступленне можа паказаць неабмежаваную колькасць фокусаў.
Прыхільнікі і прывялі ілюзіяніста на кастынг народнага шоу "Я магу!". Дзмітрый Калтуноў падтрымліваў сябра падчас выступлення. Не ў зале, за сцэнай, сачыў за спрытам рук фокусніка.
Адборачны этап у Брэсце супаў з вяселлем сябра. Павел упэўнены, гэта добры знак. Перад шлюбам фокуснік прыехаў на кастынг.
Журы захацела ўбачыць маладога ілюзіяніста не толькі ў наступным этапе, але і ў фінале.
Усе ўдзельнікі народнага шоу "Я магу!", у тым ліку і Павел Шчарбак, сталі народнымі ўлюбёнцамі. І чым бліжэй фінал, тым больш увагі. Толькі за апошнія 7 дзён сайт Белтэлерадыёкампаніі наведалі больш за 10 тысяч карыстальнікаў, а праз афіцыйную групу "ВКонтакте" "за жыццём" праекта кожную гадзіну сочаць звыш 6 тысяч прыхільнікаў.
