Ігару Лучанку мог бы споўніцца 81 год

Сёння эфір тэлеканала "Беларусь 3"  прысвечаны дню нараджэння народнага артыста нашай краіны. Ігару Лучанку мог бы споўніцца 81 год. Яго "Жураўлі на Палессе ляцяць", "Полька беларуская" і "Мой родны кут" - ужо класіка. Ігар Лучанок стварыў больш за 50 эстрадных шэдэўраў для Сафіі Ратару і Іосіфа Кабзона, "Пясняроў" і "Сяброў". Акрамя гэтага, у творах - санаты, трыпціхі і кантаты. Да канца жыцця Ігар Міхайлавіч быў нязменным старшынёй Беларускага саюза кампазітараў. У 15:35 на "Беларусь 3" - канцэрт да 80-годдзя народнага артыста. Адразу пасля - у праграме дакументальны фільм аб жыцці Ігара Лучанка.