Спектакль "Пансіён Бельведэр" для італьянскага рэжысёра Матэа Сп'яцы - ужо трэцяя пастаноўка ў тэатрах нашай краіны. На рэпетыцыях перад заўтрашняй прэм'ерай пабывала Іна Пілевіч.
Прэм'ера ў тэатры лялек без лялек. Новы спектакль "Пансіён Бельведэр" іграюць у адкрытую. Гэта значыць, акцёры не схаваныя ад гледачоў шырмай або якім-небудзь іншым аб'ектам. Адзінае, твары артыстаў закрыты спецыяльнымі тэатральнымі маскамі.
Тэхніку валодання агульнавядомым сімвалам тэатральнага мастацтва акцёры асвойвалі на спецыяльных трэнінгах. Акцёры вучыліся надзяваць маскі пажылых людзей. Сюжэт пастаноўкі разгортваецца ў пансіёне для састарэлых. Хаця дні тут праходзяць па руцінным раскладзе, гэта не перашкаджае людзям паважнага ўзросту трапляць у камічныя сітуацыі.
Бабуль і дзядуль увасабляюць выключна маладыя акцёры. І гэта не адзіная задача на супраціў. Ролі размеркаваныя такім чынам, што кожны артыст пераўвасабляецца ў асобу процілеглага полу. Мужчыны іграюць жанчын і наадварот. Але гледачы даведаюцца пра гэта толькі ў фінале.
Рэпетыцыі з італьянскім тэмпераментам. Спектакль у жанры горкай камедыі ставіць рэжысёр з Вероны Матэа Сп'яцы. Для яго гэта ўжо трэцяя пастаноўка ў Беларусі - два спектаклі з поспехам ідуць у сталічным тэатры Горкага. Дарэчы, сюжэт "Пансіёна Бельведэр" не пазычыў у літаратараў - прыдумаў разам з трупай.
Cцэнарый без тэксту. Спектакль без слоў. Сюжэт перадаецца праз музыку і пластыку. Універсальная гісторыя, зразумелая тэатралам розных нацыянальнасцей. Але прысутнічае узроставы цэнз - спектакль для гледачоў 16+.
