Галерэя Белтэлерадыёкампаніі адкрывае новыя імёны ў выяўленчым мастацтве. Увазе публікі прапанавалі выставу нашай калегі. Гэта персанальны вернісаж макрафатаграфіі рэжысёра Агенцтва тэленавін і лаўрэата спецыяльнай прэміі Прэзідэнта Беларусі Марыі Жукавай. Фотакалекцыя - гэта работы за некалькі апошніх гадоў . Адна з іх удастоілася прыза тэлеканала Viasat Nature і ўвайшла ў трыццатку пераможцаў міжнароднага фотаконкурсу.
Выпускніца Беларускай дзяржаўнай акадэміі мастацтваў і лаўрэат прэміі "Тэлевяршыня", на яе рахунку дзясяткі тэлепраграм, спецпраектаў і фільмаў: "Статут ВКЛ", "Слуцкія паясы", "Радзівілы" і "Шляхта" - усе гістарычныя расследаванні, а гэта дзевяць навэл, удастоіліся спецыяльнай прэміі Прэзідэнта за 2013 год.
