Умацаванне беларуска-бразільскага культурнага супрацоўніцтва. Пакуль у сталіцы за акном снег, у кінатэатры "Піянер" саграваюцца добрымі фільмамі. У Мінску напярэдадні стартаваў фестываль бразільскага кіно. Ён прадоўжыцца да 3 снежня. На адкрыцці Надзвычайны і Паўнамоцны Пасол Бразіліі ў Беларусі выказаў упэўненасць, што знаёмства з бразільскай кінематаграфіяй будзе займальным і цікавым, і падзякаваў камандзе пасольства, беларускім міністэрствам і ведамствам за арганізацыю кінематаграфічнага форуму.
Уваход на фестываль бразільскага кіно ў сталічным кінатэатры "Піянер" свабодны.
