Традыцыйны сакавіцкі праект "Джаз! Каты! Вясна!" стартаваў у Нацыянальным цэнтры сучасных мастацтваў. Магчымасць зірнуць на катоў з розных бакоў далі больш як 100 мастакоў у розных тэхніках: ад графічных прац да аб'ектаў дэкаратыўна-прыкладнага мастацтва. Скульптура, тэкстыль, музыка, а таксама жывапіс ад класікі да авангарда. Усіх аб'яднаў каціны свет. Выявы пухнатых сяброў таксама сталі натхненнем для дзіцячай творчасці.
Шахматныя фігуркі з дрэва ў выглядзе катоў, габелены, арт-аб'екты і мноства іншых твораў мастацтва, прысвечаных элегантным хатнім гадаванцам, можна ўбачыць на Някрасова, 3 да 24 красавіка.