Ад лірыкі да цяжкага рока. У Маскве адбыўся фінал фестывалю ваенна-патрыятычнай песні "Кацюша". 20 найлепшых канкурсантаў з розных куткоў Расіі і краін СНД змагаліся за тытул у некалькіх намінацыях. Гэта найлепшы ансамбль, вакал, кавер і аўтарская песня.
Беларусы выступалі ў намінацыі "Віват, Перамога!", спаборнічалі ў артыстызме і творчасці з прадстаўнікамі міністэрстваў абароны Азербайджана, Арменіі і Кыргызстана. Сёлета нашу краіну прадставіў дуэт Узброеных Сіл супрацьпаветранай абароны. З 6 песень, якія гучалі ў адборачных конкурсах, для фіналу журы выбрала кампазіцыю "Вярніся". Гэта гісторыя аб каханні і надзеі двух людзей, якіх разлучыла Вялікая Айчынная вайна.
Фестываль "Кацюша" праводзяць ужо 16-ты раз. У ім могуць удзельнічаць ваенныя і члены іх сямей, ветэраны вайны і курсанты ваенных вучылішчаў.
