Праз некалькі гадзін на Мальце адбудзецца цырымонія праходу ўсіх удзельнікаў дзіцячага Еўрабачання па чырвонай дывановай дарожцы. Урачыстае адкрыццё песеннага конкурсу адбудзецца ў летняй рэзідэнцыі прэзідэнта Мальты. Таксама стане вядомы і нумар, пад якім наша Надзея Місякова выступіць на шоу. Напярэдадні беларускую дэлегацыю сустракалі ў аэрапорце. Пакуль наша каманда атрымлівала акрэдытацыі, Надзея паспела даць інтэрв'ю для папулярнага інтэрнэт-партала аб Еўрабачанні.
Сачыць за ўсімі падзеямі еўратыдня можна не толькі ў эфіры тэлеканала Беларусь 1, але і на афіцыйным сайце Белтэлерадыёкампаніі - tvr.by. Самае важнае і цікавае, а таксама ўсё, што засталося за кадрам, - у анлайн-дзённіку Шлях на Мальту.
