Ілья Данільчык іграе на гітары, ударных, віяланчэлі… адначасова і без нот! Бітбоксер з Баранавіч пакарыў журы ў пятым паўфінале. Дарэчы, на выступленне радавы Данільчык прыехаў з ваеннай часці - 120-й зенітнай ракетнай брыгады. Кіраўніцтва адпусціла салдата толькі па перамогу. У якасці заахвочвання - звальненне. Пакуль ён зарабіў толькі адно. Наперадзе - фінал. У свабодны ад баявых вучэнняў час бітбоксер рыхтуе новы нумар на сцэне армейскага клуба.
Аляксандра Драгун пабывала на рэпетыцыі. У свабодны ад заняткаў час радавы Данільчык дае сольныя канцэрты. Іграе на ўдарных, гітары, саксафоне… адначасова і без нот. Чалавек-аркестр пераплятае гукі з дапамогай свайго голасу.
Яшчэ на "грамадзянцы" Ілья паспрабаваў свае сілы ў народным шоу "Я магу!". І прайшоў у паўфінал! Тады-та армейскі клуб і стаў для Ільі месцам рэпетыцый. Тут ён прыдумаў новы нумар. Выступаў ужо не адзін - у квартэце з групай "Нобеліз бэнд", але, як павінен салдат, па форме.
Задумка фінальнага нумара трымаецца ў сакрэце. Вядома толькі, што на сцэне стане больш артыстаў з іншага жанру.
Усе ўдзельнікі шоу "Я магу!", у тым ліку і Ілья Данільчык, сталі народнымі ўлюбёнцамі. За жыццём праекта анлайн сочаць 55 тысяч унікальных карыстальнікаў, якія наведалі сайт Белтэлерадыёкампаніі, і 90 тысяч праз групу "ВКонтакте". Найболей актыўныя балельшчыкі жывуць у Мінску, Бабруйску, Гомелі і Віцебску. Для Ільі ж самая верная група падтрымкі, безумоўна, родныя. Тата і маці ганарацца сваім сынам, гавораць, народнае шоу згуртавала сям'ю.
Бацькі пераглядаюць сямейныя фатаграфіі і ўспамінаюць, як сын стаў артыстам. З гэтай сцэны пачаўся творчы шлях маладога артыста. У пачатковай школе ён займаўся вакалам, іграў на фартэпіяна, вучыўся акцёрскаму майстэрству, словам, шукаў сябе. Як бітбоксер выступіў 5 гадоў таму. Тады не журы - гледачы-аднагодкі ацэньвалі незвычайнае гучанне.
Пакуль вядомыя прозвішчы 10 фіналістаў народнага шоу "Я магу!". Ужо ў гэтую суботу пройдзе шосты паўфінал, дзе вызначаць яшчэ дваіх. А затым ужо гледачы тэлеканала "Беларусь 1" выберуць таго, каму дастанецца галоўны прыз.
