Беларускі анімацыйны фільм "Прэлюдыя і Фуга" прызнаны лепшым адразу на двух міжнародных фестывалях Карэі. У конкурсных праграмах удзел прынялі работы з усіх кантынентаў: ад Еўропы і Азіі да Паўночнай Амерыкі і Аўстраліі.
Беларуская карціна выйграла ў намінацыі "Лепшы анімацыйны фільм" і папоўніла спіс сваіх узнагарод. "Прэлюдыя і Фуга" распавядае пра шчаслівыя моманты дзяцінства аўтара і пасляваенны час, праведзены ў Ташкенце.
Паглядзець беларускую анімацыйную стужку можна анлайн. Адзін з фестываляў на сваім сайце арганізуе паказ фільмаў-пераможцаў.
