Нашу краіну на міжнародным музычным форуме прадставіць 13-гадовы Аляксандр Мінёнак. "Музыка яго перамог" - менавіта так называецца песня, з якой беларускі артыст адправіцца на Мальту. Першае інтэрв'ю пераможца ў Ніны Мажэйкі.
За перыметрам студыі "600" не праціснуцца. Фіналісты, бацькі, педагогі і проста група падтрымкі - вось яна масоўка тэлешоу. Сярод віп-гасцей і тыя, хто ўжо выступаў перад еўрапейскай публікай.
Адны скажуць - фіналісты, другія - сапернікі. На сцэне нацыянальнага адбору канкурсанты наладзілі не толькі вакальную бітву. Падтанцоўка, касцюмы, графічнае афармленне нумароў - галоўныя казыры. Галасаванне па традыцыі прайшло ў фармаце 50/50 - рашэнне прымали журы і тэлегледачы. Але вось інтрыга вечара - меркаванні прафесіяналаў і публікі падзяліліся. Прафесіяналы галасавалі паўторна і падарылі Аляксандру Мінёнку не толькі папяровыя сэрцы, але і пуцёўку на Мальту.
Музыка яго перамог прынесла трыумф на нацыянальным адборы. Пад авацыі залы галоўны трафей конкурсу - "Хрустальнае сэрца" - трыумфатар мінулага года ўручыў цяперашняму. Гістарычны здымак на памяць. Сяброўскія абдымкі і пажаданні. Першае інтэрв'ю ў новай якасці - не фіналіста, а дэлегата ад эстраднага мастацтва.
Ледзь пазней прызнаецца: першае жаданне - як след выспацца.
А пакуль галоўны ньюсмейкер раздаваў інтэрв'ю, здымачны працэс у Белтэлерадыёкампаніі не стаяў на месцы. Высокатэхналагічную сцэну нацыянальнага адбору неабходна замяніць іншымі працоўнымі дэкарацыямі.
Адразу пасля нацыянальнага адбору наступае такі момант, калі асвятленне згасае, а камеры пачынае разбіраць тэхнічны персанал. Студыю рыхтуюць да новых праграм, якія пішуцца тут, а для трыумфатара нацыянальнага адбору ўсё толькі пачынаецца. Гэта пункт адліку.
Праз тыдзень дэлегацыя Белтэлерадыёкампаніі з рабочым візітам наведае Мальту. Там прадстаўнікі ЕВС - Еўрапейскага Вяшчальнага Саюза - абмяркуюць новы фармат правядзення конкурсу. Якім ён будзе - убачым у эфіры "Беларусь 1" і "Беларусь 24" 20 лістапада.
