Беларускія выканаўцы гатовы сапернічаць за пуцёўку на конкурс "Еўрабачанне". Ужо ў галоўны медыяхолдынг паступіла 84 заяўкі на ўдзел у нацыянальным адборы. Лічба не канчатковая. Рэгістрацыя працягваецца. Сярод прэтэндэнтаў не толькі новыя імёны, але і вядомыя артысты як Аляксандр Саладуха і ансамбль "Пясняры". Да 2 снежня прафесійнае журы правядзе праслухоўванне ўдзельнікаў і вызначыць не больш за 15 фіналістаў. За праектам можна сачыць у рэжыме рэальнага часу - анлайн-трансляцыя будзе весціся на сайце tvr.by.
Вольга Шлягер, кіраўнік нацыянальнага адборачнага тура конкурсу "Еўрабачанне-2016": "60 чалавек запрошаны на праслухоўванне 26 лістапада. Але пошта нас інфармуе, што заяўкі, якія былі адпраўлены 21 чысла, і больш раннія заяўкі з рэгіёнаў яшчэ працягваюць выступаць. Мы разумеем, што сотню мы дзесьці набіраем. Або лічбу блізкую да гэтай. Таму прынялі рашэнне пра яшчэ адзін дзень праслухоўвання. Правядзём мы яго 1 снежня".
Дэлегата Беларусі на "Еўрабачанне" выберуць гледачы пры дапамозе СМС і тэлефонных званкоў. Фінал пройдзе ў фармаце канцэрта не пазней як 25 студзеня.
