Сёння ў Беларусі ўспамінаюць народнага паэта, перакладчыка, крытыка, кінасцэнарыста Аркадзя Куляшова. У гэты дзень 1978 года ў санаторыі ў Нясвіжы яго не стала. Паэт сышоў, не дажыўшы да свайго 65-годдзя ўсяго два дні.
Ён быў вундэркіндам беларускай літаратуры! Свае першыя радкі склаў у чатыры гады, у 12 упершыню надрукаваўся ў газеце, у 15 выпусціў зборнік паэзіі, а ў 16 перакладаў на "мову" Пушкіна і Лермантава.
Сёння ж імя Аркадзя Куляшова прысвоена Магілёўскаму дзяржуніверсітэту, вуліцам у Магілёве, Мінску, Смаргоні, Рэчыцы.
Творы Куляшова - частка абавязковай школьнай праграмы і перакладзеныя на 33 мовы свету. Ён нарадзіўся ў сям'і вясковых настаўнікаў, рана паступіў у тэхнікум і паехаў у сталічны педінстытут. Прайшоў усю вайну, на фронт падахвоціўся добраахвотнікам. Быў і ваенкарам, і пісьменнікам Беларускага штаба партызанскага руху.
Якія радкі Аркадзя Куляшова наспявае амаль кожны з савецкай моладзі? Яго паэтычная споведзь аб першым непадзеленым каханні, якая прагрымела ў выкананні культавага ВІА. Глядзіце і падпявайце ў "Галоўным эфіры" на "Беларусь 1".
