Аб гандлі ўнутры нашай краіны. Тут сітуацыя стабільная. Па асартыменце пераважаюць айчынныя прадукты харчавання і тавары. Цэны - у рамках прагнознай гадавой інфляцыі. Яна за гэты год не павінна перавысіць 6%, і няма ніякіх перадумоў для выхаду за рамкі. Гэта на тыдні пацвердзіла і Міністэрства антыманапольнага рэгулявання і гандлю, падмацаваўшы разлікі лічбамі. Індэкс спажывецкіх цэн знізіўся да 4%. Рэгулятар маніторыць кошт тавараў і паслуг разам з народным кантролем ад Федэрацыі прафсаюзаў.
Зараз у полі зроку - плата за пражыванне ў інтэрнатах. Яна вырасла за год у некаторых рэгіёнах аж да 70%. Разліковыя каэфіцыенты былі за мясцовай уладай, і па розных гарадах аплата адрознівалася ў разы. Зараз адзіныя падыходы выпрацуе МАРГ. У найбліжэйшы час рэгулятар абяцае абвясціць і вынікі расследавання па росце цэн на мяса птушкі. У чэрвені самыя буйныя сельгасвытворцы аднамаментна паднялі кошт без бачных на тое прычын.
